យើងបានឃើញច្រើនណាស់ក្នុងសង្គមរបស់យើង ហើយវាកាន់តែកើនឡើងដោយសារសីលធម៌សង្គមធ្លាក់ចុះ។ មួយវិញទៀត វាកើតឡើងដោយសារឥទ្ធិពលវប្បធម៌បរទេសតាមរយៈភាពយន្តវីដេអូដែលបានហូរចូលមកយ៉ាងច្រើន ពិសេសក្នុងសាលារៀនដែលមានការធ្វើបាបសិស្សគ្នាឯងដែលស្លូតត្រង់ជាងជាដើម។ វីដេអូទាំងនោះបាន បង្រៀនដោយប្រយោលអោយទំពាំងស្នងឫស្សីរបស់យើងទទួលយកវប្បធម៌ការធ្វើបាប ការផ្ចាញ់ផ្ចាល់ និងបំបាក់មុខគ្នាក្នុងសាលារៀន ក៏ដូចជាក្នុងសង្គមទូទៅ និងក្រុមគ្រួសារ។