សម្រាប់ថ្ងៃទី២២ ខែឧសភា ឆ្នាំ២០២៤

នៅថ្ងៃពុធ ទី២២ ខែឧសភា ឆ្នាំ២០២៤ ជាថ្ងៃច ខែម្សាញ់ ត្រូវនឹងថ្ងៃ១៥ កើត សីលពេញបូណ៌មី ខែវិសាខ ឆ្នាំរោង ឆស័ក ពុទ្ធសករាជ ២៥៦៧ ជាថ្ងៃវិសាខបូជា ដែលជាវេលារំលឹកដល់ ព្រះពុទ្ធបរមគ្រូទ្រង់ប្រសូត ត្រាស់ដឹង និងបរិនិព្វាន។

នាថ្ងៃដ៏មានឫទ្ធិនេះ ចូរធ្វើបុណ្យដាក់ទាន ឧទ្ទិសកុសលផលបុណ្យ និងចែកមេត្តាធម៌ ដល់ដួងវិញ្ញាណក្ខ័ន្ធបុព្វការីជន សាច់ញាតិដែលបានចែកឋាន ម្ចាស់កម្មពារ និងដល់អមនុស្សទាំងឡាយអោយទទួលបានបុណ្យដូចៗគ្នា។

វេលាថ្ងៃនោះផងដែរ បងប្អូនក៏អាចធ្វើសមាធិឈីមិនតុនជែ(MANIFEST)តាមវេលានិងទិសដូចខាងក្រោម៖
១. សម្រាប់ជំនួយសព្វបែបយ៉ាង ចូរអង្គុយបែរខ្នងទៅទិសខាងជើងឆៀងលិច (ម៉ោងណាក៏បាន)
២. សម្រាប់កិច្ចការពាក់ព័ន្ធនឹងលុយកាក់ ចូរអង្គុយបែរខ្នងទៅទិសខាងត្បូងឆៀងកើត (ម៉ោងណាក៏បាន)
៣. សម្រាប់សុខភាព និងការទំនាក់ទំនង ចូរអង្គុយបែរខ្នងទៅទិសខាងកើត (ម៉ោងណាក៏បាន)
៤. សម្រាប់ស្វែងរកឱកាសសព្វបែបយ៉ាង ចូលអង្គុយបែរខ្នងទៅទិសខាងជើងឆៀងកើត (ម៉ោងណាក៏បាន)

ពេលធ្វើសមាធិ ចូរតាំងចិត្តអោយស្ងប់ ផ្ចង់អារម្មណ៍ និងសញ្ជឺងគិតលើអ្វីដែលអ្នកចង់បាន ដាក់ផែនការធ្វើកិច្ចការនោះ ហើយតាំងអារម្មណ៍ថា អ្នកកំពុងបានវា។ គួរបញ្ជាក់ផងដែរថា សមាធិសញ្ជឹងគិតតែមួយមុនមិនអាចជួយអ្វីបានច្រើនទេ អ្នកត្រូវប្រឹងប្រែងឈ្មុសឈ្មុលដើរសំដៅអ្វីដែលចង់បាននោះដែរ ទើបបានផលសមប្រកប។

គប្បីប្រឹងប្រែងធ្វើការពាក់ព័ន្ធនឹងកិច្ចការនោះអោយអស់លទ្ធភាព ព្រោះកម្លាំងឋាមពលចក្រវាឡបានមកចាំជួយអ្នកពីក្រោយហើយ! អ្នកត្រូវជឿជាក់លើសមត្ថភាពរបស់អ្នក និងកម្លាំងចក្រវាឡដែលមកចាំជួយអ្នក!

សម្រាប់សមាធិបើក ឬសាកឋាមពលខែលការពារ ចូរអង្គុយបែរខ្នងទៅកាន់ទិសខាងលិច៖
🔱 ចន្លោះម៉ោង ០០៖០០ រហូតដល់ ០០៖៥៩ រំលងអាធ្រាតចូលថ្ងៃទី២២ (យប់ថ្ងៃ២១ចូលថ្ងៃ២២) មានឋាមពលកម្រិតខ្ពស់។
🔱 ចន្លោះម៉ោង ២៣៖០០ រហូតដល់ ២៣៖៥៩ យប់ថ្ងៃទី២២ ពេលច័ន្ទពេញវង់ មុនឆ្លងចូលថ្ងៃ២៣ មានឋាមពលកម្រិតខ្ពស់។

រើសយកវេលាណាមួយខាងលើក៏បាន តែបើបានធ្វើទាំងពីរនឹងទទួលបានឋាមពលពិសេស។

សម្រាប់អ្នកដែលមិនអាចធ្វើពេលយប់បាន៖
🔱 ចន្លោះម៉ោង ១៥៖០០ រហូតដល់ ១៦៖៥៩ ថ្ងៃទី២២ បែរខ្នងទៅទិសខាងត្បូងឆៀងលិច មានឋាមពលខ្សោយ តែប្រសើរជាងអត់បានធ្វើ។

បញ្ជាក់៖ មិនកំណត់ម៉ោងចប់ទេ!

ការសមាធិបើកខែលការពារនេះជាវិជ្ជាជាន់ខ្ពស់ក្នុងក្បួនឈីមិនតុនជែ ដែលប្រើសម្រាប់ដាស់កម្លាំងឋាមពលដែលមានស្រាប់ក្នុងរាងកាយរបស់យើងពីកំណើតអោយមានឫទ្ធីនុភាព ដើម្បីជួយអោយអ្នកដែលបើកបានសម្រេច ទទួលបាននូវកម្លាំងអាថ៌កំបាំងមួយដែលអាចជួយរារាំង ទប់ស្កាត់ និងបរវៀសហេតុភេទអាក្រក់ទាំងឡាយដែលប្រុងនឹងជួប និងនាំអោយជួបតែហេតុល្អៗ។ 

មិនសូវមានមនុស្សច្រើនទេដែលដឹងពីវិធីប្រើប្រាស់កម្លាំងឋាមពលពិសេសនេះ ព្រោះមិនមែនងាយធ្វើ ហើយក៏មិនមែនមនុស្សគ្រប់គ្នាធ្វើបាននោះទេ វាទាមទារការបើកចិត្តអោយទូលាយ តស៊ូព្យាយាម ផ្តោតអារម្មណ៍សមាធិ និងទទួលធ្វើតាមកម្លាំងឋាមពលចក្រវាឡ។ បន្ទាប់ពីបើករួចរាល់តាមវេលាខាងលើនេះហើយ បងប្អូនអាចបន្តប្រើវាជារៀងរាល់ថ្ងៃ ពិសេស២១ថ្ងៃដំបូងដោយបែរទៅកាន់ទិសដដែល ឬអាទិទេពប្រចាំជីវិត(បើដឹង)។

សម្រាប់បងប្អូនដែលថ្មីមិនទាន់យល់ពីវិធីសមាធិបើកខែលការពារ សូមចូលមើលវីដេអូណែនាំកាលពីកន្លងមកដូចខាងក្រោមនេះ៖

១. ការណែនាំធ្វើសមាធិបើកខែលការពាររាងកាយ

២. ភ្លេងសម្រាប់ធ្វើសមាធិបើកខែលការពាររយៈពេល១ម៉ោង

នាំមកជូនដោយ មេត្តាហ្វីនិច្ច
ឯកទេសប្រឹក្សាជីវិតដោយប្រើបរមត្ថវិជ្ជា

រក្សាសិទ្ធិគ្រប់យ៉ាង

ទំនាក់ទំនង៖ 081 682 258 https://t.me/JiangWeizhi
Telegram៖ https://t.me/ometafenix
FaceBook៖ https://web.facebook.com/ometafenix
TikTok៖ https://www.tiktok.com/@ometafenix
YouTube៖ https://www.youtube.com/@ometafenix

#period9fengshui #liftup #lifehack #METAFENIX #reanfengshui #lifecoach #jiangweizhi