មេរៀនទី ២៧៖ តុបាយ
តុបាយដែលមានហុងស៊ុយល្អជាងគេ គឺតុមូល (មិនថាវាសាងអំពីអ្វីឡើយ) ព្រោះវាមានឥទ្ធិពលជួយពង្រឹងទំនាក់ទំនងល្អរវាងសមាជិកក្រុមគ្រួសារ និងសុភមង្គល ដោយសារវាបង្ករភាពងាយស្រួលអោយក្រុមគ្រួសារបានឃើញមុខគ្នាល្អ ហើយក៏ងាយដួសម្ហូបអាហារផងដែរ។
មេរៀនទី ២៦៖ ទីតាំងបង្គន់
កាលពីដើមឡើយ តាមទំនៀមទំលាប់របស់ខ្មែរយើង បង្គន់ត្រូវបានចាត់ទុកថាជាកន្លែងស្មោគគ្រោក ព្រោះជាកន្លែងដែលយើងបន្ទោរបង់ដែលមានកន្លែងឆ្អេះឆ្អាប។ បង្គន់ច្រើនគេសង់អោយនៅក្រោយផ្ទះ ឬមានគម្លាតឆ្ងាយពីផ្ទះ ដើម្បីជៀសវាងមានក្លិនឆ្អេះឆ្អាបមកដល់ផ្ទះ។ បើអ្នកដែលមានវត្ថុស័ក្តិសិទ្ធិតាមខ្លួនទៀត នោះគេតមមិនអោយយកវត្ថុស័ក្តិសិទ្ធិនោះចូលទៅបង្គន់ទេ។ ប្រជាជនចិនក៏ដូចជាប្រជាជនដទៃនៅអាស៊ីយើងក៏មានជំនឿប្រហាក់ប្រហែលគ្នាផងដែរ។ មកដល់សម័យបច្ចុប្បន្ន ផ្ទះសម័យថ្មីគេសង់បង្គន់បានល្អប្រសើរជាងមុន ហើយបង្គន់ខ្លះស្អាតជាងបន្ទប់គេងរបស់យើងទៀតផង។ យ៉ាងណាម៉ិញ គេមានបម្រាមមួយចំនួនសម្រាប់ការសង់ឬការកំណត់ទីតាំងបង្គន់ និងអាងមុជទឹក ដែលមានរៀបរាប់ដូចនៅខាងក្រោម៖១. ហាមសាងសង់បង្គន់ឬអាងមុជទឹកនៅចំពីលើទ្វាធំចូលផ្ទះ២. ហាមសាងសង់បង្គន់ឬអាងមុជទឹកនៅចំពីលើចង្ក្រានបាយ៣. ហាមសាងសង់បង្គន់ឬអាងមុជទឹកនៅចំពីលើគ្រែគេង៤. ហាមសាងសង់បង្គន់ឬអាងមុជទឹកនៅចំពីលើបន្ទប់ហូបបាយ៥. ហាមសាងសង់បង្គន់ឬអាចមុជទឹកដែលមានជណ្តើរឡើងឬចុះបុកចំ ៦. ហាមសាងសង់ទ្វាចូលបន្ទប់គេងបុកចំទ្វាបង្គន់៧. ហាមដាក់ក្បាលដំណេកបែរចំជញ្ជាំងបង្គន់ វាជាការដែលគួរយកចិត្តទុកដាក់ខ្ពស់បំផុតចំពោះករណីដែលចានបង្គន់ឬអាងមុជទឹក(បាញ័រ)នៅចំពីលើចំណុចដែលបានរៀបរាប់ខាងលើ។ ********រួមគ្នាប្រឆាំងការចម្លងសំណេរដើមរក្សាសិទ្ធដោយ រៀនហុងស៊ុយ ជាមួយគ្នា#រៀនហុងស៊ុយ#រៀនហុងស៊ុយជាមួយគ្នា#fengshuikhmer#reanfengshui#fengshuikh#ហុងស៊ុយខ្មែរ
តើអ្នកដឹងទេ? (វគ្គ៤)
ក្រោយពីខ្ញុំបានបង្ហោះអត្ថបទមួយក្នុងជំពូក តើអ្នកដឹងទេ?(វគ្គ២) ដែលនិយាយអំពីអាជីវកម្មដែលល្អនៅយុគទី៩រួចមក មានបងប្អូនយើងបានចោទជាសំនួរមកខ្ញុំថា ហេតុអ្វីបានជា ចិត្តវិទ្យា ត្រូវបានចាត់បញ្ចូលទុកទៅក្នុងធាតុភ្លើងដែរ? ចិត្តវិទ្យា គឺសំដៅទៅលើការណែរនាំនិងការប្រឹក្សាដំណោះស្រាយដល់អ្នកដែលមានវិបត្តិ។ មនុស្សដែលមានវិបត្តិ ច្រើនហាក់ដូចជាវង្វេងនៅក្នុងភាពងងឹតមួយដែលមិនដឹងកោះត្រើយឬពន្លឺដំណោះស្រាយសោះឡើយ។ គាត់តែងគិតអ្វីមិនលេច ចាប់អ្វីក៏ខុស ព្រោះគាត់កំពុងនៅក្នុងភាពងងឹត។ ស្ថានភាពបែបនោះហើយ ដែលបង្ហាញអោយឃើញថា គាត់ត្រូវការពន្លឺ ដើម្បីបំភ្លឺរកដំណោះស្រាយ ហើយពន្លឺគឺជាធាតុភ្លើង។ *************************************រួមគ្នាប្រឆាំងការចម្លងសំណេរដើមរក្សាសិទ្ធដោយ រៀនហុងស៊ុយ ជាមួយគ្នា#រៀនហុងស៊ុយ#រៀនហុងស៊ុយជាមួយគ្នា#fengshuikhmer#reanfengshui#fengshuikh#ហុងស៊ុយខ្មែរ
មេរៀនទី ២៥៖ អាងហែលទឹក ឬអាង/ទូចិញ្ចឹមត្រី
ផ្ទះសម័យទំនើបដែលមានតម្លៃថ្លៃជាច្រើននាពេលបច្ចប្បន្ននេះ ច្រើនមានហាងហែលទឹក ឬអាង/ទូចិញ្ចឹមត្រី ដើម្បីបង្កើនសោភ័ណ្ឌភាពដល់ផ្ទះនេោះ។ តាមក្បួនហុងស៊ុយ ត្បិតទឹកអាចប្រមូលផ្តុំឋាមពលឈីល្អៗក៏ពិតមែន តែបើយើងរៀបចំមិនត្រឹមត្រូវទេ វានឹងនាំអោយយើងនូវបញ្ហាជាច្រើន ទាំងលុយកាក់ ទាំងសុខភាព និងអាចទាំងមានគ្រោះថ្នាក់ទៀតផង។ ថ្ងៃនេះយើងមកមើលថា តើការរៀបចំអាងហែលទឹក ឬអាង/ទូចិញ្ចឹមត្រី គួរពិចារណាលើចំណុចអ្វីខ្លះ៖១. ហាមរៀបចំអាងហែលទឹក ឬអាង/ទូចិញ្ចឹមត្រី ពាក់កណ្តាលក្នុងផ្ទះ ពាក់កណ្តាលក្រៅផ្ទះ ព្រោះវានឹងនាំអោយមានបញ្ហាដល់សមាជិកគ្រួសារឬមានបញ្ហានានាទៅតាមឥទ្ធិពលរបស់ទិសនោះ២. ហាមរៀបចំអាងហែលទឹក ឬអាង/ទូចិញ្ចឹមត្រី នៅចំកណ្តាលផ្ទះ ព្រោះកណ្តាលផ្ទះគឺជាបេះដូងរបស់ផ្ទះ ដែលអាចនាំអោយមានការស្លាក់ឋាមពលឈី៣. ហាមរៀបចំអាងហែលទឹក ឬអាង/ទូចិញ្ចឹមត្រី នៅជាន់លើដែលមានទីតាំងនៅលើទ្វាចូលផ្ទះ ព្រោះវានឹងនាំអោយបាត់បង់ទ្រព្យ ឬក្ស័យទុនធ្ងន់ធ្ងរ។៤. ហាមរៀបចំទឹកធ្លាក់នៅក្នុងផ្ទះ ព្រោះវាអាចនឹងបង្ករអោយមានសម្លេងខ្ទរខ្លាំងដែលបង្កើតជាឋាមពលមិនល្អ។ តែបើសិនជាទឹកធ្លាក់នោះមិនមានសម្លេងរំខានខ្ទរខ្លាំងទេ វាមិនអីនោះទេ។៥. ហាមរៀបចំអាងហែលទឹក ឬអាង/ទូចិញ្ចឹមត្រី នៅក្រោមជណ្តើរ ព្រោះវានឹងបណ្តាលអោយឋាមពលល្អៗស្លាក់ឋាមពលល្អ។៦. ការរៀបចំទូកញ្ចក់ចិញ្ចឹមត្រី គួរមានសមាមាត្រសមរម្យទៅនឹងបន្ទប់ដែលយើងរៀបចំ ដើម្បីកុំអោយមានធាតុទឹកលើសហួសប្រមាណ។ ហើយការរៀបចំនេះផងដែរ ក៏គួរពិចារណាទៅលើទិសដែលត្រូវនឹងធាតុទឹកផងដែរ។៧. អាងហែលទឹក ឬអាង/ទូចិញ្ចឹមត្រី ត្រូវតែមានអនាម័យ និងស្អាតជានិច្ច ហើយទឹកត្រូវមានចលនាបែបស្រទន់ មិនមានរលកខ្លាំងៗ។៨. ជាទូទៅ ការដាក់តាំងត្រីនៅក្នុងអាង/ទូចិញ្ចឹមត្រី មិនមានកំណត់ចំនួនត្រីថាត្រូវដាក់ប៉ុន្មានក្បាលនោះទេ តែយើងត្រូវសិក្សាលើប្រភេទពូជត្រីនិងដង់ស៊ីតេបរិមាណត្រីដែលគួរដាក់នៅក្នុងកន្លែងចិញ្ចឹមរបស់យើង។ ជំនឿ៖ តាមជំនឿក្រៅហុងស៊ុយ គេនិយមមានចិញ្ចឹមត្រីខ្មៅមួយក្បាលនៅក្នុងចំណោមត្រីពណ៌ដទៃ ដើម្បីស្រូបទាញយកនូវហេតុភេទអាក្រក់នានាកុំអោយកើតមានឡើងដល់ម្ចាស់ផ្ទះ និងអ្នកស្នាក់នៅជាមួយ។ ********រួមគ្នាប្រឆាំងការចម្លងសំណេរដើមរក្សាសិទ្ធដោយ រៀនហុងស៊ុយ ជាមួយគ្នា#រៀនហុងស៊ុយ#រៀនហុងស៊ុយជាមួយគ្នា#fengshuikhmer#reanfengshui#fengshuikh#ហុងស៊ុយខ្មែរ
មេរៀនទី២៤៖ ជណ្តើរផ្ទះ
បន្ទាប់ពីបន្ទប់គេង យើងមកមើលពីជណ្តើរផ្ទះម្តង ថាតើជណ្តើរបែបណាដែលគួរមាន និងជណ្តើរបែបណាដែលមិនគួរមាន។ ជណ្តើរមានតួនាទីសំខាន់ក្នុងការប្រមូលផ្តុំឋាមពលទៅកាន់ជាន់ខាងលើនៃផ្ទះរបស់យើង។ បើជណ្តើរនោះរៀបមិនបានល្អនោះទេ ផ្ទះរបស់យើងនៅជាន់ខាងលើក៏មិនមានឋាមពលល្អឡើងទៅដល់នោះដែរ។ តោះយើងមកមើលប្រភេទ និងទីតាំងជណ្តើរដែលល្អ និងមិនល្អទាំងអស់គ្នា៖ ១. មិនគួរមានជណ្តើរដែលស្ថិននៅចំកណ្តាលផ្ទះឡើយ ព្រោះវាអាចប៉ះពាល់ដល់ការប្រមូលផ្តុំឋាមពលល្អៗនៅក្នុងផ្ទះ។ ហើយបើអ្នកមានជណ្តើរនៅកណ្តាលផ្ទះនោះ ភាគច្រើនអ្នកនឹងមានអារម្មណ៍មួម៉ៅ ឆាប់ខឹង និងតប់ប្រម៉ល់។ ២. មិនគួរមានជណ្តើរ២ទន្ទឹមគ្នាឬស្របគ្នាឡើយ ព្រោះវាធ្វើអោយឋាមពលល្អៗចែកជា២។ ជាទូទៅអ្នកដែលនៅផ្ទះជាន់លើនឹងមានបញ្ហាបែកបាក់គ្រួសារ។ ៣. មិនគួរមានជណ្តើរនៅលើមាត់ទ្វាចូលផ្ទះឡើយ ព្រោះជណ្តើរនឹងផ្តល់សម្ពាធដល់ឋាមពលល្អដែលបំរុងនឹងចូលផ្ទះ។ ផ្ទះបែបនេះនឹងរកស៊ីមិនមានបានសល់លុយកាក់ ហើយក៏មិនសូវមានសេចក្តីសុខដែរ។ ៤. មិនគួរមានជណ្តើរដែលឡើងឬចុះទៅបុកចំទ្វាបន្ទប់ឡើយ ព្រោះកម្លាំងឋាមពលបុកចំខ្លាំងពេកដែលនាំអោយអ្នកនៅក្នុងបន្ទប់នោះមានបញ្ហាសុខភាព និងមានបញ្ហាក្នុងការទំនាក់ទំនង។ គេតម្រូវអោយមានធ្លាទូលាយមួយសិនមុននឹងដល់ទ្វាបន្ទប់។ ៥. គួរមានជណ្តើរដែលឡើងមានថ្នាក់ឬបត់មួយតង់ឬ២តង់ កុំអោយវាត្រង់ឡើងទៅខ្ពស់រហូតពេក ព្រោះកម្លាំងឋាមពលត្រូវការកន្លែងប្រមូលផ្តុំសិនមុននឹងឡើងទៅមួយជាន់ទៀត។ ៦. គួររៀបជណ្តើរផ្ទះដែលមិនបែរចំមាត់ទ្វាចូលផ្ទះ ព្រោះកម្លាំងឋាមពលត្រូវការប្រមូលផ្តុំក្នុងផ្ទះសិនទើបវាឡើងទៅជាន់លើ។ បញ្ជាក់៖ សម្រាប់ជណ្តើរវិល ហាមដាច់ខាតនៅចំកណ្តាលផ្ទះ ព្រោះវាដូចជាវីសដែលខួងចាក់ចំបេះដូងផ្ទះដូច្នេះដែរ។ សូមរក្សាសុវត្ថិភាព អនាម័យ និងពាក់ម៉ាសទាំងអស់គ្នាពេលជួបជុំគ្នា ដើម្បីជៀសឆ្ងាយពីការឆ្លងរីករាលដាលពីជម្ងឺកូវីដ១៩។ ******** រួមគ្នាប្រឆាំងការចម្លងសំណេរដើមរក្សាសិទ្ធដោយ រៀនហុងស៊ុយ ជាមួយគ្នា #រៀនហុងស៊ុយ#រៀនហុងស៊ុយជាមួយគ្នា#fengshuikhmer#reanfengshui#fengshuikh#ហុងស៊ុយខ្មែរ
មេរៀនទី២៣៖ បន្ទប់គេង
បន្ទប់គេង គឺជាកន្លែងមួយសំខាន់បំផុតសម្រាប់មនុស្សយើង។ កន្លែងគេងល្អ នាំអោយការគេងលក់បានស្កប់ស្កល់។ នៅពេលដែលរាងកាយបានសម្រាក យើងនឹងមានសុខភាពល្អ ហើយរាងកាយអាចមានពេលសម្រាប់ជួសជុលឬព្យាបាលកោសិការនានាដែលខូចខាតបានដោយខ្លួនឯង។ រាងកាយយើងវាចេះព្យាបាលខ្លួនឯង ហើយវាចាប់ផ្តើមព្យាបាលខ្លួនឯងពេលយើងគេងលក់។ ការគេងលក់បានស្កប់ស្កល់ គឺអាស្រ័យទៅលើឋាមពលឈីដែលបានចល័តក្នុងបន្ទប់បានល្អ ចុះបើឋាមពលឈីវាមិនល្អវិញនោះ? ជាការពិតវានឹងនាំអោយយើងសម្រាកមិនបានស្កប់ស្កល់នោះទេ ហើយរាងកាយយើងក៏មិនបានទៅជួសជុលកោសិកាដែលខូចខាតនោះដែរ។ បន្ទប់គេងដែលល្អគួរស្របតាមលក្ខខណ្ឌគោលខាងក្រោម៖ ១. បន្ទប់គេងត្រូវជាបន្ទប់ដែលមានរៀងចតុកោណកែង ឬការ៉េ ២. មិនត្រូវអោយមានជ្រុងសសរ ឬជ្រុងជញ្ជាំង ឬជ្រុងតុទូណាមួយបុកចំគ្រែឡើយ ៣. មិនត្រូវអោយមានជ្រុងជញ្ជាំង ឬជ្រុងតុទូណាមួយបុកចំទ្វាឡើយ ៤. ក្បាលគ្រែត្រូវតែអឹបជាប់ជញ្ជាំងរាបស្មើ ៥. ក្បាលគ្រែមិនត្រូវបែរទៅរកបង្អួចឬទ្វាឡើយ ៦. ក្បាលគ្រែមិនត្រូវនៅក្រោមធ្នឹម ឬការដេគ័របែបសណ្ឋានធ្នឹមឡើយ ៧. មិនត្រូវមានកញ្ចក់បែរចំគ្រែគេងឡើយ ៨. មិនត្រូវដាក់ចុងជើងនៃគ្រែបុកចំមាត់ទ្វាឡើយ ៩. ពិដានរបស់បន្ទប់គេងត្រូវតែរាបស្មើ មិនបញ្ឆិត ១០. មិនត្រូវមានសសរអណ្តែត(សសរដែលអត់មានជាប់ជញ្ជាំង)នៅក្នុងបន្ទប់គេងឡើយ ១១. ត្រូវរក្សាអនាម័យអោយបានល្អជានិច្ច ១២. ត្រូវឧស្សាហ៍បើកទ្វានិងបង្អួច ដើម្បីអោយមានខ្យល់ថ្មីចូល ការរៀបចំបន្ទប់គេងអោយបានល្អក៏ត្រូវសិក្សាលើទីតាំងក្បាលដំណេកអោយត្រូវនឹងម្ចាស់បន្ទប់ ទីតាំងល្អក្នុងផ្ទះ និងរាសីរបស់ម្ចាស់បន្ទប់ផងដែរ។ សម្រាប់ការទិញផ្ទះស្រាប់ គឺពិបាកនឹងរកផ្ទះណាដែលល្អឥតខ្ចោះសម្រាប់យើងណាស់ ដូច្នេះបើអ្នកអាចរៀបបានលើស៥០% គឺចាត់ទុកថាប្រសើរណាស់ហើយ។ សូមរក្សាសុវត្ថិភាព អនាម័យ
តើអ្នកដឹងទេ? (វគ្គ៣)
យើងបានដឹងថា នៅយុគទី៩ ធាតុភ្លើងនឹងឡើងកាន់អំណាច ដូច្នេះឧស្សាហកម្មនិងមុខរបរដែលស្ថិតនៅក្នុងធាតុភ្លើងនឹងរីកចម្រើន និងមានឪកាសប្រមូលផលចំណេញបានច្រើនជាងគេ។បើអញ្ចឹងមែន តើឧស្សាហកម្មនិងមុខរបរដែលស្ថិតនៅក្នុងធាតុផ្សេងទៅជាយ៉ាងណា? ការពិតទៅ នៅពេលដែលធាតុភ្លើងឡើងកាន់អំណាច មិនមែនមានន័យថា ធាតុដទៃនឹងរលាយសូន្យនោះទេ វានៅតែជាតម្រូវការដដែលដោយសារសមតុល្យធាតុទាំង៥ ហើយគ្រាន់តែមានមួយលេចធ្លោជាងគេ។ ដើម្បីទាញយកលាភពីធាតុភ្លើងក្នុងយុគទី៩នេះ អាជីវកម្មដែលស្ថិតនៅធាតុផ្សេងគួរកែច្នៃយ៉ាងណាអោយមានការប្រើប្រាស់ធាតុភ្លើងចូលអោយបានច្រើន ជាពិសេសបច្ចេកវិទ្យា។ ដូចយើងឃើញបណ្តើរៗហើយថា អាជីវកម្មជាច្រើនចាប់ផ្តើមប្តូរឥរិយាបទនៃការលក់ទៅកាន់លក់អនឡាញ សួរថា តើអាជិវកម្មរបស់គាត់ធាតុភ្លើងឬយ៉ាងណា? ឧទាហរណ៍៖ អ្នកលក់ឡេប្រេងម៉្សៅដែជាធាតុទឹក លក់ដាច់ជាងមុនព្រោះគាត់ប្រើធាតុភ្លើងមកជំនួយ ដោយមានការលក់អនឡាន ប្រើអេបក្នុងការលក់និងកុម្មង់ទំនិញ..។ល។ តើអ្នកត្រូវទាញយកបច្ចេកវិទ្យាមកប្រើប្រាស់ដើម្បីជួយអាជីវកម្មរបស់អ្នកយ៉ាងម៉េច? គ្មានចម្លើយរួមសម្រាប់សំនួរនេះទេ តែវាអាស្រ័យលើកត្តាមួយចំនួនដូចខាងក្រោម៖១. អ្វីជាអាជីវកម្មរបស់អ្នក? ទំនិញឬសេវាកម្ម?២. អ្នកណាជាអតិថិជនរបស់អ្នក៣. ស្ថានភាពប្រកួតប្រជែងក្នុងទីផ្សា៤. អ្វីដែលអាចធ្វើអោយអ្នកលេចធ្លោជាងគេក្នុងវិស័យនេះ?៥. តើបច្ចេកវិទ្យាអ្វី/អេបអ្វីដែលអាចជួយអ្នកបាន? អ្នកអាចទំនាក់ទំនងមកក្រុមការងារយើងខ្ញុំ ដើម្បីទទួលសេវាប្រឹក្សាបឋមលើបញ្ហាខាងលើនេះបានដោយមិនគិតថ្លៃរហូតដល់បំណាច់ខែមេសា ឆ្នាំ២០២១។ យើងរួមគ្នាប្រឆាំងមេរោគកូវីដ១៩********រួមគ្នាប្រឆាំងការចម្លងសំណេរដើមរក្សាសិទ្ធដោយ រៀនហុងស៊ុយ ជាមួយគ្នា#រៀនហុងស៊ុយ#រៀនហុងស៊ុយជាមួយគ្នា#fengshuikhmer#reanfengshui#fengshuikh#ហុងស៊ុយខ្មែរ
មេរៀនទី២២៖ ផ្ទះបាយ
អ្នកទាំងអស់គ្នាបានដឹងអំពីមាត់ទ្វាផ្ទះ និងចរន្តខ្យល់រួចហើយ តើមានបានគិតដល់ការរៀបចំផ្ទះអោយត្រូវតាមក្បួនហើយឬនៅ? មិនថ្វីទេ ឥឡូវខ្ញុំសូមជូនមេរៀនមួយទៀតអំពីចង្ក្រានបាយម្តង។ ផ្ទះបាយ គឺជាទីតាំងមួយដែលសំខាន់ក្នុងចំណោមទីតាំងដែលត្រូវយកចិត្តទុកដាក់ខ្ពស់(មាត់ទ្វាចូលផ្ទះ បន្ទប់ទទួលភ្ញៀវ បន្ទប់គេង និងផ្ទះបាយ)។ ការរៀបចំផ្ទះបាយសំខាន់ណាស់ បើក្នុងផ្ទះបាយមិនបានរៀបចំល្អនោះទេ វានឹងបង្កើតឋាមពលមិនល្អដែលបណ្តាលអោយអ្នកនៅក្នុងផ្ទះមិនមានការហូបចុកគ្រប់គ្រាន់ ឬអាចមានបញ្ហាសុខភាពទៀតផង។ ខាងក្រោមនេះគឺជាចំនុចខ្លះៗដែលអ្នកគួរដឹង៖ ១. មិនគួររៀបចំទីតាំងផ្ទះបាយនៅកណ្តាលផ្ទះឡើយ ព្រោះវាជាបេះដូងរបស់ផ្ទះ។ ២. មិនគួររៀបចំកន្លែងលាងចាននៅជិតចង្ក្រាន នឹងមានបញ្ហារប៉ះទង្គិចរវាងធាតុទឹកនិងធាតុភ្លើង។ ៣. មិនគួររៀបចំកន្លែងលាងចាននៅទល់មុខចង្ក្រាន ក៏នឹងមានការប៉ះទង្គិចរវាងធាតុទឹកនិងធាតុភ្លើងដែរ។ ៤. មិនគួររៀបចំចង្ក្រាននៅចំកណ្តាលផ្ទះបាយ ព្រោះវានឹងបង្ករជាឋាមពលអាក្រក់ដល់ផ្ទះបាយ។ ៥. បើកទ្វាភ្លាមឃើញចង្ក្រានភ្លែត ក៏មិនល្អដែរ។ ៦. មិនគួររៀបចំចង្ក្រាននៅក្រោមធ្នឹមឡើយ។ ៧. មិនគួររៀបចំទីតាំងចង្ក្រាននៅជិតទូទឹកកកឡើយ។ សូមរក្សាសុវត្ថិភាព អនាម័យ និងពាក់ម៉ាសទាំងអស់គ្នាពេលជួបជុំគ្នា ដើម្បីជៀសឆ្ងាយពីការឆ្លងរីករាលដាលពីជម្ងឺកូវីដ១៩។ ********រួមគ្នាប្រឆាំងការចម្លងសំណេរដើមរក្សាសិទ្ធដោយ រៀនហុងស៊ុយ ជាមួយគ្នា #រៀនហុងស៊ុយ#រៀនហុងស៊ុយជាមួយគ្នា#fengshuikhmer#reanfengshui#fengshuikh#ហុងស៊ុយខ្មែរ
ឆេងម៉េង
តោះយើងមកដឹងប្រវត្តិខ្លះៗអំពីពិធីបុណ្យឆេងម៉េងរបស់ប្រជាជនចិន។ អត្ថន័យដើមរបស់ឆេងម៉េង គឺមិនមានអីទាក់ទងទៅនឹងការមកសម្អាតផ្នូរ ឬសែនព្រេនសម្តែងការគោរពដឹងគុណដល់កុងម៉ានិងញាតិដែលបានទទួលមរណៈកាលទៅទេ។ ឆេងម៉េង គឺសម្តៅទៅលើភាពស្អាតអនាម័យ និងមានពន្លឺត្រចះត្រចង់។ ជារៀងរាល់ឆ្នាំ នៅដើមខែមេសា គឺជាការបញ្ចប់រដូវរងារនិងត្រៀមចូលរដូវផ្ការីក ដែលមានអាកាសធាតុចាប់ផ្តើមមានកំដៅល្មមនិងមានពន្លឺព្រះអាទិត្យល្អឡើងវិញ បន្ទាប់ពីអាប់អួរក្នុងរដូវរងារមក។ ដូច្នេះនៅពេលដែលមានអាកាសធាតុល្អនិងពន្លឺថ្ងៃគ្រប់គ្រាន់ប្រជាជនតែងចេញក្រៅផ្ទះដើម្បីធ្វើការសម្អាតផ្ទះ ដើរលេង បង្ហោះខ្លែង និងធ្វើម្ហូបចំណីញ៉ាំជុំគ្នា ហើយក៏ឆ្លៀតពេលទៅសម្អាតផ្នូរ និងមានការសែនដល់កុងម៉ានិងញាតិដែលបានចែកឋាន។ ហើយទម្លាប់នេះមានតាំងពីរជ្ជកាលស្តេចចូវ ដែលមានប្រវត្តិជាង២,៥០០ឆ្នាំមកហើយ(ឆ្នាំ១០៤៦-២២១មុនគ្រឹស្តស័ក្ករាជ)។ តាមទម្លាប់គេមានតំណមមួយចំនួនដូចខាងក្រោម៖១. ហាមនិយាយលេងសើចពេលសែននិងដុតក្រដាសសែនផ្សេងៗ២. ហាមពាក់សម្លៀកបំពាក់ខ្មៅទាំងអស់(អាចអាវខ្មៅខោពណ៌ផ្សេង ឬខោខ្មៅអាវពណ៌ផ្សេង) និងហាមពណ៌ក្រហម(ខោអាវនិងស្បែកជើង)ដាច់ខាត៣. ហាមខាកស្តោះនិងបន្ទោរបង់ក្នុងបរិវេណកន្លែងសែន៤. ហាមបង្ករសម្លេងរំខាន និយាយលេងសើច ស្រែកលឺក្នុងបរិវេណកន្លែងសែន៥. ត្រូវធ្វើពិធីអោយបានមុនម៉ោង៣រសៀល៦. ហាមស្ត្រីមានផ្ទៃពោះចូលរួម៧. ហាមហូបចំណីអាហារនៅបរិវេណកន្លែងសែន៨. ហាមថតរូបនៅបរិវេណកន្លែងសែន៩. ហាមចូលរួមបើមិនមានជាប់សាច់ញាតិទេ (មិត្តប្រុសទៅកំដរមិត្តស្រីនិងក្រុមគ្រួសារពេលសែន) កុងម៉ា មិនអាចជួយអ្នកបានទេ បើអ្នកមិនជួយខ្លួនឯង! សូមរក្សាសុវត្ថិភាព អនាម័យ និងពាក់ម៉ាសទាំងអស់គ្នាពេលជួបជុំគ្នា ដើម្បីជៀសឆ្ងាយពីការឆ្លងរីករាលដាលពីជម្ងឺកូវីដ១៩។ ********រួមគ្នាប្រឆាំងការចម្លងសំណេរដើមរក្សាសិទ្ធដោយ រៀនហុងស៊ុយ ជាមួយគ្នា#រៀនហុងស៊ុយ#រៀនហុងស៊ុយជាមួយគ្នា#fengshuikhmer#reanfengshui#fengshuikh#ហុងស៊ុយខ្មែរ
តើអ្នកដឹងទេ? (វគ្គ២)
កាលពីខែមុន ខ្ញុំបានបង្ហោះនូវអត្ថបទមួយអំពីយុគ និងហេតុភេទចម្លែកៗដែលអាចកើតមានឡើងនៅពេលអន្តរកាល(ពេលជិតឆ្លងយុគ)។ អ្នកបានដឹងរួចមកហើយថា យុគទី៩នឹងចាប់ផ្តើមនៅឆ្នាំ២០២៤ រហូតដល់ ២០៤៣ ហើយវាជាយុគដែលធាតុភ្លើងឡើងកាន់អំណាច។ ពេលដែលលឺថា ធាតុភ្លើង នោះមិនមែនមានន័យថា ភ្លើងនឹងឆេះកាលនោះទេ តែមានន័យថា នៅក្នុងយុគទី៩នេះ រាល់មុខរបរដែលស្ថិតនៅក្នុងឧស្សាហកម្មធាតុភ្លើង ឬដែលពាក់ព័ន្ធនឹងរីកចម្រើន។ ហើយអ្នកដែលមានធាតុភ្លើងជាធាតុសំណាង គាត់នឹងមានលាភ និងរាសីឡើងបន្តគ្នា។ តើអ្វីខ្លះជាមុខរបរដែលស្ថិតនៅក្នុងឧស្សហកម្មធាតុភ្លើង? សម្រាប់កូនសិស្សដែលបានរៀនជាមួយខ្ញុំ ឬទទួលបានសេវាបកស្រាយរាសីពីខ្ញុំប្រហែលជាបានឃើញនូវបញ្ជីររាយមុខរបរធាតុភ្លើងក្នុងតារាងរាសីរបស់គាត់រួចហើយ។ តែបងប្អូនដែលជាមិត្តថ្មី នៅមន្ទិលនៅឡើយ។ ខាងក្រោមនេះគឺជាមុខរបរដែលពាក់ព័ន្ធនឹងឧស្សាហកម្មធាតុភ្លើង៖ សិប្បកម្មដោយដៃ ចិត្តវិទ្យា សិល្បៈករ អ្នករចនាហ្គ្រាហ្វិក កុំព្យូទ័រ អេឡិចត្រូនិច ទូរស័ព្ទ អ្នកកែរសម្ជស្ស ប្រេងសាំង អ្នកចម្រៀង អ្នករាំ តារាសម្តែង សិប្បកម្មថង់ប្លាស្ទិក លក់ភេសជ្ជៈក្តៅ អាហារដ្ឋាន ចុងភៅ ថាមពល កាំជ្រួច គីមី ភាពយន្ត បោះពុម្ភ ផលិតឬលក់សុរា ឡាស៊ែរ អំពូលភ្លើង ថតរូប និងអ្វីៗដែលប្រើប្រាស់ ឬផលិត ភ្លើង អគ្គិសនី និងកំដៅ..